Руските сили навлегле во Покровск – украинските војници ја спречиле катастрофата
Украински војници интервјуирани од „Украинска правда“ потврдуваат дека првите руски пешадиски единици влегле во Покровск на 17 јули. Според податоци објавени од аналитичката платформа „ДипСтејт“, до вечерта на 21 јули во градот сè уште траеле борбите за неутрализирање на руските саботажни групи.
„Непријателот ја искористи слабоста на една украинска бригада и влезе во градот преку селото Звирово. Кризата беше спречена благодарение на храброста на 155-та независна механизирана и 68-та стрелачка бригада“, се вели во извештајот.
Русите се обиделе да воспостават позиции и да ја преземат контролата врз Улицата на бранителите на Украина. Беа забележани и заседи, вклучително и на раскрсницата со улицата Шевченко. Присуството на саботажни групи довело и до случаи на пријателски оган, поради недостиг на точни информации на терен.
Покровск е стратешки важен град во западниот дел од Донецката област. Пред војната беше клучен транспортен центар, а денес служи како логистичка и хуманитарна база за украинската војска и цивилното население. Освен воено, тој има и политичко значење, како симбол на отпорот против руската офанзива во Донбас.
