Францускиот град Ним, на југот на земјата, е последниот што воведе полициски час за малолетници, откако насилството на улиците зема замав. Мерката, која важи за деца под 16 години, е на сила од 21:00 до 06:00 часот, а властите тврдат дека целта е да се спречи нивната изложеност на насилство и да се намали уличната тензија.
Одлуката доаѓа по неколку вооружени инциденти изминатиот месец, од кои еден усред бел ден, а резултираа со едно загинато лице и неколку повредени. Минатата недела, на периферијата на Ним беше пронајдено делумно изгорено тело на 19-годишен маж, што дополнително ја вознемири јавноста.
Градоначалникот Жан-Пол Форние изјави дека ситуацијата станала неодржлива, а дилерите на дрога создаваат „клима на страв и терор“.
Заменик градоначалникот, Ришар Шевен, нагласи дека мерката има за цел да ги заштити децата кои не се дел од дрогашките кругови, но и оние на возраст од 12–13 години кои, според него, се злоупотребуваат од страна на криминалците.
Слични мерки веќе се применуваат и во други градови. Во Безие, полицискиот час за деца под 13 години важи од минатата година, а во март 2025 бил проширен и за лица под 15 години. „Ниту едно десетгодишно дете нема што да бара на улица во 2 часот по полноќ“, изјави градоначалникот Робер Менар уште во 2024 година.
Сепак, насилството не престанува. Во Безие, младинци со фантомки неодамна наместо полицијата и ја нападнаа со огномети, а слична сцена се случи и во Лимож, каде 100 лица учествуваа во масовно улично насилство. Градоначалникот Емил-Роже Ломберти призна дека полицискиот час „не даде резултати“ и побара зголемено полициско присуство.
Во Ним пред две години беше убиен 10-годишно дете, што предизвика јавен гнев, а најновите случувања укажуваат на ширење на дрогашкото насилство надвор од Марсеј, кој одамна е познат како центар на криминални банди.
Според Министерството за внатрешни работи, во 2024 година во Франција биле убиени 110 лица во насилства поврзани со дрога, а над 300 биле повредени.
Министерот за внатрешни работи Жерар Дарманен и министерот за правда Бруно Ретајо веќе започнаа жестока офанзива против нарко-картелите, вклучувајќи изградба на две затвори со максимална безбедност, специјализирани обвинителства и зголемени надлежности за истражителите.
Дарманен изјави дека 17 од најопасните дилери во Франција се веќе префрлени во затворот со највисоко обезбедување Vendin-le-Vieil на северот на земјата.
