Годината е 1895. Санкт Петербург е опколен со магла и тајни. Таа е млада, образована и решена да го промени светот. Анастасија Ардашникова, првата жена со диплома по право од Сорбона, се враќа во Русија со визија да ги примени модерните, научни методи на истрага за да стане криминолог.
Но во општество каде што нејзиниот глас е едвај слушнат, нејзиниот пат нема да биде лесен. Нејзиниот ентузијазам и професионални амбиции не се разбрани од оние околу неа. Многумина веруваат дека таа е ангажирана во случаи кои се несоодветни за жена.
На нејзиниот пат ќе се сретне со Тарас Смолокуров, тврдоглав, интуитивен обвинител кој верува дека срцето и искуството вредат повеќе од било која европска теорија. Тие се различни во сè. Тарас, кој нема особено познавање за криминологијата се потпира на својата интуиција, а Анастасија е со неверојатна моќ за решавање на навидум нерешливи мистерии.
Дали Анастасија ќе успее да се докаже во свет каде жените се гледаат како немоќни? Дали Тарас ќе научи да гледа подлабоко од својата интуиција?
Подгответе се за серијата полна со напнати истраги, длабоки дијалози и судир помеѓу традицијата и напредокот.
Серијата “Формула на злосторството“ за детективката Ана, која ја нарекуваат и рускиот Шерлок Холмс, премиерно Прва скопска Тв од понеделник до четврток во 22 часот.
По ребрендирањето на МТМ телевизија во Прва Скопска во новата програмска шема може да следите многу нови серии, филмови, хумор, забавни емисии и информативни содржини…
