Црна Хроника

Кривична пријава против тројца службеници од Крива Паланка

Секторот за внатрешни работи Куманово поднесе кривична пријава против тројца лица од Крива Паланка поради сомнение за сторено кривично дело „злоупотреба на службената положба и овластување“.

Пријавени се К.П. (59), службеник во општина Крива Паланка, М.К. (41), раководител на Одделението за урбанизам, сообраќај и заштита на животната средина, и С.М. (38), актуелен градоначалник на општината.

Според истрагата, К.П. изготвил решение за промена на инвеститор спротивно на Законот за градење и надвор од рокот на важност на одобрението за градба. Иако дозволата била веќе неважечка, тој издал решение со кое се овозможува продолжување на градба.

М.К., како раководител на надлежното одделение, не извршила надзор и контрола врз издаденото решение и со свој потпис го потврдила како важечко. Со тоа, инвеститорот Г.С. добил можност незаконски да ја продолжи изградбата на објект – куќа со деловен простор – без да има валидна дозвола.

Сомневањата за кривично дело ги опфаќаат и дејствијата на градоначалникот С.М., кој, според пријавата, не извршил должен надзор, но со свој потпис или факсимил и печат на општината го овластил решението, со што незаконскиот акт добил официјален карактер.

Истрагата е во тек, а обвинетите се соочуваат со тешки обвинувања за прекршување на законските процедури и овозможување незаконска градба.

Црна Хроника

Тешка сообраќајна несреќа – Едно лице го загуби животот

На магистралниот пат Кочани- Виница, на место викано „Сланечки дол“, автомобил „пежо“ со винички регистарски ознаки, управувано од Б.Ќ.(48) од Виница, излетало од коловозот вчера доцна попладнето.

Б.Ќ. починал на местото на несреќата од здобиените повреди, а лекар од Итната медицинска помош констатирал смрт.

По насоки на јавен обвинител, телото на починатиот било предадено на обдукција. Извршен бил увид од увидна екипа од ОВР Кочани.

Црна Хроника

Со фалсификувани документи сакале да влезат во Македонија – двајца странци приведени

На 17 декември 2025 година, на аеродромот во Скопје, околу 01:50 часот, полициски службеници спречиле обид за влез во државата со фалсификувани владини документи. При граничната контрола биле лишени од слобода Ч.Л. (27), државјанин на Кина, и М.Х. (26), државјанин на Италија, откако било утврдено дека приложиле документи што не потекнуваат од официјални органи и се фалсификувани.

Лицата биле задржани во Полициската станица Гази Баба за понатамошна постапка, соопшти Министерството за внатрешни работи. Од надлежните ќе следат соодветни правни мерки поради сомнение за сторено кривично дело поврзано со злоупотреба на државни документи и обид за нелегален влез во земјата.

Црна Хроника

Кривична пријава за тетовец поради закани кон полициски службеници

На 02.11.2025 година, 51-годишен жител на Тетово со иницијали Џ.С. е обвинет за кривичното дело „загрозување на сигурноста“, откако, според полицискиот билтен, упатувал закани кон полициски службеници за време на извршување службени дејствија во Гостивар.

Надворешната канцеларија за криминалистички работи при СВР Гостивар поднела кривична пријава до надлежното јавно обвинителство, поради постоење основано сомнение дека лицето сторило кривично дело со закани кон службени лица.