Истражен судија од Жупанискиот суд во Сплит одреди едномесечен притвор за тројца државјани на Велика Британија, од кои двајца се со потекло од Косово, поради сомнение за тешко кривично дело против полова слобода – силување на 28-годишна девојка во еден хотел во Сплит.
Според информациите, инцидентот се случил во вторник рано наутро, помеѓу 5 и 7:30 часот, кога жртвата, која претходно ги запознала осомничените на популарната локација Матејушка, прифатила да оди со нив во хотелска соба.
Првoобвинетиот ја навредувал и физички насрнал на неа, а потоа ја принудил на полови односи со вториот осомничен, и покрај нејзиниот отпор и жалби на болка. Жртвата се опирала, а во еден момент успеала да се ослободи и да повика пријател, кој веднаш алармирал полиција.
Полицијата реагирала брзо и го уапсила еден од осомничените на самото место, а другите двајца биле лоцирани и приведени подоцна.
Сите тројца ја негираат вината и тврдат дека сè се случило без присила. Сепак, судот им одреди притвор поради ризик од бегство. Според хрватскиот Кривичен законик, за ова дело е предвидена затворска казна од шест месеци до десет години.
