Црна Хроника

Граната од Првата светска војна пронајдена во двор на викенд куќа

Старо, но сè уште опасно воено наследство изненади жител на Скопје во својот двор во Нов Дојран. На 24 јули 2025 година, околу 20:30 часот, во Полициското одделение Нов Дојран бил пријавен наод на експлозивна направа.

Ж.К. (65) од Скопје известил дека околу 17:30 часот, додека се наоѓал во дворот на својата викенд куќа, пронашол предмет што наликувал на граната. На местото веднаш била повикана стручна екипа.

Пиротехничар од Дирекцијата за заштита и спасување – Штип ја подигнал и ја анализирал експлозивната направа, по што било утврдено дека станува збор за неексплодирана граната со калибар 70 мм, која потекнува од времето на Првата светска војна.

Од надлежните служби апелираат граѓаните да не се обидуваат сами да ракуваат со сомнителни предмети, туку веднаш да ја известат полицијата.

Црна Хроника

Инцидент во Скопје: Косовски возач удрил во автобус и побегнал

На 22 декември 2025 година, на Граничниот премин Долно Блаце беше уапсен Л.С. (65) од Косово, поради учество во сообраќајна незгода во Скопје и напуштање на местото на настанот.

Инцидентот се случил околу 15:00 часот во скопската општина Центар, кога „фолксваген голф“ со косовски регистарски ознаки се судрил со автобус на ЈСП. По судирот, возачот го напуштил местото, по што полицијата веднаш го трагала и го лишила од слобода на граничниот премин околу 15:30 часот.

Полицијата соопшти дека по целосно документирање на случајот ќе следува соодветен поднесок, а истрагата ќе утврди дали има повредени лица и каква е материјалната штета.

Црна Хроника

Уапсен поради поседување пиротехника во неготинско село

На 23 декември 2025 година во 07:40 часот, полициски службеници од ОВР Неготино го лишија од слобода И.Р. (34) од селото Криволак, неготинско.

При претрес во неговиот дом, извршен со судска наредба, биле пронајдени и одземени пиротехнички средства. Лицето е приведено во полициска станица, за настанот е известен јавен обвинител, а по целосно документирање против него ќе биде поднесена соодветна пријава.

Црна Хроника

Тешка несреќа на автопатот Скопје- Велес

На 22.12.2025 околу 15:00 часот во СВР Скопје е пријавено дека на автопатот Скопје- Велес, кај Катланово, патничко возило „фиат“ со велешки регистарски ознаки, управувано од О.П.(49) од Велес, излетало од коловозот.

Во несреќата со тешки телесни повреди се здобил возачот, констатирани во Комплексот клиники „Мајка Тереза“.

Извршен е увид од увидна екипа од СВР Скопје.