Стравична несреќа ја потресе Романија, откако двајца млади родители загинаа во надојдените води на Дунав, обидувајќи се да ја спасат својата деветмесечна ќерка. Трагедијата се случила во близина на дива плажа во Гостину, кај градот Ѓурѓу.
Според романски медиуми, 20-годишната мајка влегла во реката со бебето во раце, не знаејќи дека подводните струи се опасно силни. Наишла на вдлабнатина и моментално била повлечена, заедно со детето.
Таткото (26), кој бил на брегот, веднаш скокнал во водата да ги спаси. Со натчовечки напори успеал да го одржи бебето над водата доволно долго за други луѓе да интервенираат и да го извлечат живо. Но, и двајцата родители биле одвлечени од силната струја и исчезнале под водата.
Нуркачите веднаш започнале потрага. Телото на мајката било пронајдено следниот ден, додека телото на таткото било извадено подоцна.
Малата ќерка, која чудесно преживеа, е сега безбедна, но остана без своите родители кои ги дадоа животите за неа. Трагедијата предизвика лавина емоции и сочувство ширум Романија.
