Црна Хроника

Кривична пријава за закани кон пратеник: Приведени две лица

Секторот за внатрешни работи Тетово поднесе кривична пријава против А.К. (35) и Б.К. (33), двајцата од село Велешта, струшко, поради сомнение дека сториле кривично дело „загрозување на сигурноста“.

Според пријавата, на 18 мај 2025 година, осомничените преку апликација на социјална мрежа испратиле сериозни закани кон С.С. (42) од Струга, кој е пратеник во Собранието на Република Северна Македонија. Заканите биле евидентирани и документирани како дел од истрагата, а надлежното јавно обвинителство е веќе вклучено во постапката.

Полицијата соопшти дека се преземаат сите потребни мерки за целосно расчистување на случајот, а на осомничените им се заканува соодветна казна согласно Кривичниот законик.

Црна Хроника

Тетово: Физички напад во угостителски објект, едно лице повредено со тврд предмет

СВР Тетово поднесе кривична пријава против Р.У.(18) од с.Желино и 16-годишник од с.Групчин поради постоење основи на сомнение за сторено кривично дело „насилство“.

На 22.10.2025, во еден угостителски објект во Тетово, пријавените физички ги нападнале А.Р.(19) од тетовско и 15-годишник од тетовско. При нападот, првопријавениот употребил и тврд предмет, при што е причинета повреда.

Случајот е пријавен и се преземаат мерки за целосно расчистување на инцидентот.

Црна Хроника

Измама со „волшебна амајлија“: Жената оштетена за 60.000 денари

Жена од Делчево била измамена со ветување дека „амајлија“ ќе ги реши сите нејзини семејни проблеми, при што издала 60.000 денари. Полицијата поднесе кривична пријава против 61-годишниот С.Ѓ. од скопското село Сарај поради измама.

Измамникот ја убедил жртвата во моќта на своите услуги во два наврати – во септември 2024 и повторно во март 2025 година, земајќи ѝ по 30.000 денари секојпат. Откако сфатила дека е измамена, жената го пријавила случајот во полиција.

Од МВР соопштуваат дека С.Ѓ. се сомничи за кривичното дело „измама“ и дека против него е поднесена соодветна кривична пријава.

Црна Хроника

Инцидент во Скопје – две возила попречиле пат, следел напад

Вчера во 10:40 часот во СВР Скопје, С.М.(47) од Скопје пријави дека додека се движел со патничко возило од с.Јурумлери, скопско кон населбата Драчево, две возила му го попречиле патот, а од нив излегле М.С. и уште неколку други лица и физички го нападнале, а употребиле и тврди предмети, при што му го оштетиле и возилото.

Се преземаат мерки за расчистување на случајот.