Изготвен од Илирика Инвестментс АД Скопје врз основа на официјални податоци од Македонска берза.
Скопје, 30 јули 2025 година – Македонската берза го заврши денешното тргување со вкупен промет од 22,19 милиони денари. Бенчмарк-индексот МБИ10 падна за 56,05 поени (-0,53 %) и се затвори на 10 496,58 поени, додека обврзничкиот индекс ОМБ остана непроменет на 127,35 поени.
Динамика на тргување и пазарни движења
Висока ликвидност благодарение на неколку поголеми блок-дилови и зголемена активност во официјалниот пазар. Притисокот за продажба преовладуваше кај банките и фармацевтските издавачи, што го влечеше индексот надолу. Дел од прометот се прелеа во слободниот пазар, каде што малата компанија Реинг забележа екстремен, но ниско-ликвиден ценовен скок.
● Комерцијална банка АД Скопје (KMB) – промет 5 166 540 ден., 182 акции
● Алкалоид АД Скопје (ALK) – промет 3 253 040 ден., 121 акција
● Реплек АД Скопје (RLP) – промет 2 590 500 ден., 175 акции
● Реинг АД Скопје (REIN) +300,12 %
● Комерцијална банка АД Скопје (KMB) +0,11 %
● ТТК Банка АД Скопје (TTK) –2,98 %
● НЛБ Банка АД Скопје (NLB) –1,69 %
● Макстил АД Скопје (MST) –1,48 %
ОМБ остана статичен на 127,35 поени, без позначителни ценовни поместувања. Најактивна беше серијата „Денационализација 23“ со 741 обврзници и промет од 41 560 денари; останатите обврзници не бележеа тргување.
И покрај солидниот дневен промет, берзата заврши во негативна зона поради падот на банките и дел од фарамацевтскиот сектор. Комерцијална банка, Алкалоид и Реплек останаа фокус на инвеститорите по обем на тргување, додека ТТК Банка и НЛБ го предводеа падот. Екстремниот скок на Реинг беше исклучок со ограничено влијание врз индексот. Стабилниот обврзнички сегмент укажува на воздржано инвеститорско расположение кон инструментите со фиксни приходи.
