Претседателот на Фудбалската федерација на Македонија, Месер Омерагиќ, им упати честитка на фудбалерите, стручниот штаб и раководството на ФК Шкендија по синоќешната победа и пласманот во третото квалификациско коло за Лигата на шампионите.
„Браво момци! Честитки за победата и пласманот во 3. коло од квалификациите за Лигата на шампиони. Чекор по чекор, заеднички докажуваме дека во Македонија се игра квалитетен фудбал“, напиша Омерагиќ во пораката.
Тој се заблагодари и на навивачите за поддршката и изрази надеж за нови успеси на европската сцена.
„Продолжете да нѐ радувате. Се надеваме на нови победи во европските натпревари“, порача претседателот на ФФМ.
