Црна Хроника

Трагедија на автопатот: Три животи згаснаа, дете во болница – страшен судир кај Тетово!

Страшна сообраќајна несреќа се случи денес околу 16 часот на автопатот од Тетово кон Скопје, при што животите ги загубија три лица, а едно дете е хоспитализирано со повреди.

Според првичните информации од СВР Тетово, несреќата се случила при судир помеѓу патничко возило марка „Опел“ со тетовски таблички и автобус. Двајца од патниците – маж и жена – починале на самото место, а уште една жена им подлегнала на повредите во Клиничката болница во Тетово.

Повредено дете, кое било во возилото, е пренесено во болница, каде му се укажува лекарска помош.

На местото на трагедијата веднаш интервенираа екипи на полицијата, противпожарната служба и јавен обвинител, а увидот е во тек. Од СВР Тетово најавуваат повеќе детали откако ќе заврши истрагата и ќе се документира целиот случај.

Несреќата предизвика застој на сообраќајот и шок кај очевидците, кои сведочат за сцена која „не се заборава“.

Црна Хроника

Пожар зафати куќа во Скопје – Младо момче спасено и пренесено во болница

Рано утринава, околу 05:20 часот, во Шуто Оризари избувна силен пожар во семеен дом.

Како што јави СВР Скопје, пожарот ја зафатил куќата на Д.Р. (31) од Скопје. Ситуацијата кулминирала кога сопственикот, во паника и обид да се спаси, се здобил со повреди додека излегувал од домот.

По брзата интервенција на екипите од Бригадата за противпожарна заштита Скопје, пожарот бил ставен под контрола и изгаснат.

Повредениот Д.Р. веднаш бил пренесен во Комплексот клиники „Мајка Тереза“, каде му се укажува лекарска помош. Надлежните екипи извршија увид на местото на настанот за да ги утврдат причините за овој уништувачки инцидент.

Црна Хроника

Претрес во тетовско, пронајдени дрога, оружје и муниција, приведени две лица

На 11.12.2025 околу 08:00 часот, полициски службеници од СВР Тетово го лишија од слобода Ф.Р.(30) од с.Орашје, општина Јегуновце. При претрес во неговиот дом во селото Орашје, извршен со судска наредба, пронајдени и одземени се автоматска пушка калибар 7,62 милиметри со две рамки со вкупно 22 куршуми калибар 7,62 милиметри, 78 куршуми непозната марка и калибар, марихуана, дробилка и дигитална вага. При претресот во неговиот дом е затекната И.Д.(34) од Сојузна Република Германија, која е привидена и задржана во полициска станица затоа што го пречекорила туристичкиот престој. Ф.Р. е задржан во полициска станица и по целосно документирање на случајот, против него ќе биде поднесена соодветна пријава.

Црна Хроника

Инцидент на лет кон Скопје: Пијани навивачи тероризирале патници

Приведен навивач од Словачка, на 10 други не им беше дозволен влез во државата поради агресивно и недолично однесување во авион за време на лет и по слетувањето

На 10.12.2025 околу 20:30 часот во СВР Скопје, од службите на Меѓународен аеродром Скопје и од Регионалниот центар за гранични работи Север е пријавено дека во воздухоплов кој пристигнал од Словачка, повеќе лица под дејство на алкохол, кои се дел од навивачка група, за време на летот и по слетувањето не ги почитувале правилата, агресивно се однесувале и ги вознемирувале останатите патници и екипажот.

Полициски службеници веднаш пристигнале на местото и по преземени мерки го приведоа Л.Т.(38) од Словачка, а на 10 други лица, исто така, од Словачка, не им беше дозволен влез во државата од безбедносни причини. По целосно документирање на случајот, против Л.Т. ќе биде поднесена соодветна пријава.