Украинскиот претседател Володимир Зеленски преку видео-обраќање се обрати на конференцијата во Хелсинки, на која се одбележува 50-годишнината од потпишувањето на Хелсиншкиот договор од 1975 година – историскиот договор помеѓу Западот и Советскиот блок кој го признава неповредливиот карактер на државните граници. Тој потенцира дека овој принцип е прекршен со руската агресија врз Украина.
„Верувам дека Русија може да се принуди да го заврши овој воен конфликт. Таа е таа што го започна и може да се натера да го заврши“, рече Зеленски, неколку часа по новиот ракетен и дронски напад врз Киев во кој загинаа шест лица.
Тој предупреди дека ако светот не сака промена на режимот во Русија, Москва и по завршувањето на војната ќе продолжи да ја дестабилизира регионот.
Зеленски повика и на заплена на руска имотна сопственост. „Време е за конфискација, не само замрзнување, туку конфискација и искористување за мир, а не за војна“, додаде тој.
Конференцијата ја отвори Елтина Валтонен, претседателка на Организацијата за европска безбедност и соработка (ОЕБС) и финска министерка за надворешни работи, а во Хелсинки пристигна и генералниот секретар на ОН, Антонио Гутереш.
Хелсиншкиот договор, потпишан од 35 земји, вклучувајќи го Советскиот Сојуз и САД, ги содржи клучните принципи на државниот суверенитет, неповредливоста на границите и забрана за употреба на сила.
Русија е присутна на конференцијата, иако не испрати висок претставник, а портпаролката на Министерството за надворешни работи најави отсуство на висок претставник.
