Црна Хроника

РАЗОТКРИЕНА ФАБРИКА ЗА ЛАЖНИ ЕВРА: ШЕСТМИНА ОБВИНЕТИ, НАД 100.000 ФАЛСИФИКУВАНИ БАНКНОТИ ВО ОПТЕК

Шест лица се обвинети за учество во организирана злосторничка група која фалсификувала евра и пуштала лажни пари во оптек, соопшти Основното јавно обвинителство за гонење на организиран криминал и корупција. Првообвинетиот ја водел целата операција, обезбедувал опрема и координирал со останатите членови на групата, која делувала од крајот на 2023 до февруари 2025 година, на територија на Македонија и Србија.

Петмина обвинети се товарат за „Фалсификување пари“, додека првообвинетиот и уште едно лице се обвинети и за „Правење, набавување или отуѓување средства за фалсификување“. Шестотоосомничениот бил одговорен за изработка и одржување на машините за печатење.

Според Обвинителството, во периодот на делување биле произведени и пуштени во оптек 114.150 евра во фалсификувани банкноти, во апоени од 20, 50, 100 и 200 евра. Тие биле продавани на заинтересирани купувачи во Србија по цена од 25 до 30 отсто од нивната номинална вредност. Со тоа, групата инкасирала најмалку 42.400 евра.

Во истрагата се обезбедени докази за набавка на материјали, изработка на високо прецизни машини, како и за продажните канали во Србија. Обвинение е поднесено против шест македонски државјани, додека во Србија продолжува истрагата против уште шестмина осомничени српски државјани.

Црна Хроника

Исчезна 30-годишен скопјанец

На 15.12.2025 во 01:50 часот во Полициската станица Гази Баба, И.Т.(51) од с.Инџиково, скопско, пријави дека од домот се оддалечил неговиот син А.Т.(30).

Се преземаат мерки за пронаоѓање на лицето.

Црна Хроника

Примил мито од 50.000 евра за да влијае кај судија – МВР со детали

Полициски службеници по наредба на јавен обвинител од Основното јавно обвинителство за гонење на организиран криминал и корупција го лишија од слобода Ф.С. поради сторено кривично дело – Примање награда за противзаконито влијание.

Во периодот од октомври до 13.12.2025 година осомничениот примил вкупен износ од 50.000 евра за да посредува и да го искористи своето реално влијание за да интервенира кај судија во Апелациониот суд Скопје и за со поткуп кон судијата да влијае за да се изврши службено дејствие што не би смеело да се изврши.

Првично, осомничениот побарал 100.000 евра за да влијае за укинување на мерка притвор определена кон лице кое е недостапно на органите на прогонот и против кого ОЈОГОКК води друга постапка за кривични дела против јавните финансии, платниот промет и стопанството. На 06.10.2025 година примил дел од побараниот износ и тоа 30.000 евра, што му ги предала сестрата на лицето во бегство. На 13.12.2025 година директно побарал и примил уште 20.000 евра како дел од поткупот што го барал за да го даде на судијата.

Непосредно по примањето на паричните средства осомничениот е лишен од слобода и кај него се пронајдени парите.

Црна Хроника

Лажен полицаец измами старица за 23.300 евра, уапсен на граница

Полицијата од Опатија уапси 46-годишен хрватски државјанин кој измами 79-годишна жена за 23.300 евра. Измамникот се претставувал како полицаец и ја убедил старицата дека истражува хакерски напад врз нејзините банкарски сметки. Тој ја натера да ги подигне сите свои пари за наводна проверка на истрагата.

На 12 декември, жртвата му ги предала парите пред својата куќа, по што измамникот се обидел да ја напушти земјата. Благодарение на брза и координирана акција на полицијата, тој бил уапсен на граничниот премин во Брод-Посавина, а целата украдена сума веднаш била вратена на сопственичката.

Против осомничениот е поднесена кривична пријава, тој е предаден на надзорникот на притвор, а истрагата продолжува.