Американскиот претседател Доналд Трамп синоќа ја потпиша новата извршна наредба со која се воведуваат царини од 15 отсто за увозот на производи од Македонија. Одлуката е дел од поширока мерка која се однесува на сите држави што немаат склучено трговски договор со САД.
Според објавата на МИА, царинската стапка од 15% ќе важи и за Европската унија, и покрај тоа што Вашингтон и Брисел на 27 јули потпишаа рамковен договор за трговска соработка.
Во регионот, највисока стапка ќе плаќа Србија – дури 35 проценти, следена од Босна и Херцеговина со 30. Хрватска и Словенија ќе се соочат со истата царина како и Македонија – 15%, додека најповолна ќе биде Црна Гора со само 10 проценти.
