Економија

Комерцијална банка, Алкалоид и Стопанска банка со најголем обем на тргување

Изготвено од Илирика Инвестментс АД Скопје врз основа на официјални податоци од Македонска берза

Скопје, 4 август 2025 година Берзата го затвори денот со вкупен промет од 45 837 608 денари, а референтниот индекс МБИ-10 се зголеми за +0,10 % (+10,59 поени) до 10 469,27 поени. Индексот на обврзници ОМБ остана непроменет на 127,35 поени.

Најтргувани акции

● Комерцијална банка АД Скопје – 276 трансакции · 7,84 млн. ден.

● Алкалоид АД Скопје – 256 трансакции · 6,85 млн. ден.

● Стопанска банка АД Скопје – 133 трансакции · 0,38 млн. ден.

Најголеми добитници

● Реплек АД Скопје +6,60 %

Најголеми губитници

● Стопанска банка АД Скопје -1,46 %

● Алкалоид АД Скопје -0,40 %

● Комерцијална банка АД Скопје -0,11 %

Блок-трансакции

● Македонијатурист АД Скопје – една блок-сделка од 30,08 млн. ден.

Обврзнички пазар

Не беа регистрирани значајни обврзнички трансакции; ОМБ остана на 127,35 поени.

И покрај минималниот раст на МБИ-10, тргувањето беше доминирано од неколку високо ликвидни хартији: Комерцијална банка, Алкалоид и Стопанска банка генерираа преку 33 % од редовниот промет. Вонредниот скок на Реплек (+6,6 %) внесе позитивна нота, додека умереното движење надолу кај банковите акции го ограничи растот на индексот. Единствената голема блок-сделка со Македонијатурист ја покачи вкупната ликвидност на пазарот. Обврзничкиот сегмент останува во мирување, одразувајќи внимателен сентимент кај инвеститорите на почетокот од август.

Економија

Профитите на германските автомобилски гиганти паднаа на најниско ниво од 2009 година

Германската автомобилска индустрија бележи најтежок квартал во последните 15 години. Според анализа на консултантската фирма EY, оперативните профити на Volkswagen, BMW и Mercedes-Benz меѓу јули и септември се намалиле за 76%, достигнувајќи околу 1,7 милијарди евра.

Ова претставува најниско ниво на профит од 2009 година, иако вкупниот приход и продажба останале релативно стабилни. Ниту една друга земја со значајна автомобилска индустрија не забележала толку слаби резултати.

Продажбата на германски автомобили падна најмногу во Кина, за 9%, додека уделот на кинескиот пазар во вкупната продажба се намали од 39% на 29%. Продажбата на премиум модели се намалува, а во сегментот на електрични возила купувачите се повеќе се одлучуваат за локални брендови.

Во Германија, компаниите Bosch, Mercedes и Volkswagen веќе најавија намалување на бројот на вработени. EY предупредува дека ваквите мерки се болни, но неизбежни.

Економија

Историски удар за германската автомобилска индустрија: Волксваген ја затвора фабриката во Дрезден

Германската автомобилска индустрија се соочува со сериозни предизвици откако Волксваген најави дека ќе ја запре производството во својата фабрика во Дрезден. Ова е прво затворање на фабрика во Германија во 88-годишната историја на компанијата, што означува историски момент за индустријата која долго време беше мотор на германската економија.

Причините за затворањето се поврзуваат со структурните промени во автомобилската индустрија, особено транзицијата кон електрични возила и потребата за намалување на трошоците. Од Волксваген соопштуваат дека ќе преземат мерки за поддршка на вработените, вклучително и понуди за пренасочување кон други објекти и програми за обука.

Експертите предупредуваат дека ова затворање може да има пошироки последици врз германската економија и добавувачите во автомобилскиот сектор, особено во регионот околу Дрезден. Автомобилската индустрија во Германија, која долго време беше симбол на технолошка извонредност и економска стабилност, сега се соочува со потреба од брзи адаптации за да остане конкурентна на глобалниот пазар.

Економија

Од полноќ нови цени на горивата

Регулаторната комисија за енергетика, водни услуги и услуги за управување со комунален отпад (РКЕ) донесе Одлука со која се врши намалување на малопродажните цени на нафтените деривати во просек за 2,09% во однос на одлуката од 12.12.2025 година. Поевтинуваат горивата од полноќ.

Малопродажните цени на бензините ЕУРОСУПЕР БС-95 и ЕУРОСУПЕР БС-98 како и на ЕУРОДИЗЕЛ (Д-Е V) се намалуваат. Поевтинуваат горивата за 2,00 ден/лит.

Малопродажната цена на Екстра лесното масло за домаќинство на (ЕЛ-1) се намалува за 1,00 ден/лит.

Малопродажната цена на Мазутот М-1 НС се намалува за 0,248 ден/кг и сега ќе изнесува 32,635 ден/кг.

Од 16.12.2025 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 73,00 (денари/литар)
Моторен бензин ЕУРОСУПЕР БС – 98 75,00 (денари/литар)
Дизел гориво ЕУРОДИЗЕЛ БС (Д-Е V) 66,50 (денари/литар)
Масло за горење Екстра лесно 1 (ЕЛ-1) 65,50 (денари/литар)
Мазут М-1 НС 32,635 (денари/килограм)