До 7 часот изутринава, Центарот за управување со кризи соопшти дека на територијата на Република Северна Македонија биле евидентирани вкупно 11 пожари на отворен простор. Според информациите, сите пожари се веќе изгаснати, а не се регистрирани активни или пожари под контрола.
Најголем дел од пожарите зафатиле ниска вегетација, деградирана шума и сува трева. Изгаснати се пожари во општините Долнени, Липково, Чашка, Македонски Брод, Тетово, Врапчиште, Кичево, Делчево и Виница.
Надлежните апелираат на внимателност, особено во деновите со високи температури, кога ризикот од пожари е значително зголемен.
