Нетанјаху во сериозни проблеми – израелската армија донесе важна одлука

Израелската армија го укинува вонредниот режим – Нетанјаху под зголемен притисок

Израелските одбранбени сили (IDF) објавија дека го укинуваат вонредниот режим воведен по нападот на Хамас на 7 октомври 2023 година. Мерката, која вклучуваше и четиримесечно продолжување на служба за резервистите, наскоро ќе биде повлечена, што ќе доведе до значително намалување на бројот на активен воен персонал.

Според израелскиот медиум Инет, бројот на војници во регуларните баталјони ќе се намали за една чета, додека десетици војници ќе бидат префрлени во резервниот состав.

Оваа одлука доаѓа непосредно по тензиите на врвот на државниот и воениот врв – откако лица блиски до премиерот Бенјамин Нетанјаху остро го критикуваа началникот на Генералштабот, Ејал Замир. Според изјавите, доколку Замир не се согласува со израелската окупација на Газа, „треба да поднесе оставка“.

Промените значат дека војниците во специјалните и елитните единици повеќе нема да мора да остануваат во служба подолго од првично планираното – нешто што досега беше вообичаена практика поради високите оперативни барања.

IDF најави и олеснување на ангажманот на резервистите во претстојните месеци, по повеќе од една година активна служба од почетокот на конфликтот со Хамас.

Началникот на Генералштабот, Ејал Замир, изјави дека новите мерки имаат за цел да го подобрат квалитетот на воената служба, да ги заштитат правата на војниците и да го признаат нивниот значаен придонес кон израелската армија и држава.

Преку овие реформи, IDF се надева дека ќе го зачува професионалното искуство на борците и ќе ја задржи оперативната способност на специјалните единици во долгорочен план.