Македонија

БОГОЈЕСКИ: Вранишковски да се одлучи – дали е српски или македонски владика!

По повод присуството на т.н. владика Зоран Вранишковски на прославата на Илинден на Мечкин Камен, користејќи возило со српски регистарски таблички, претседателот на Македонски Концепт, Петар Богојески, упати јавна реакција:

„Со сета почит кон слободата на верско и национално изјаснување, но и со одговорност кон нашиот национален и државен интегритет, би сакал да поставам едно едноставно прашање: дали г. Вранишковски се чувствува како македонски или српски владика?

Доаѓањето на Мечкин Камен, на денот кога го славиме Илинден и македонската борба за слобода, со возило со српски таблички, не е само симболика – тоа е директна порака. На ваков ден, од ова свето место, очекуваме достоинствено однесување што ја рефлектира лојалноста кон македонската држава и нејзините граѓани.

Секој кој претендира да има духовна улога во македонското општество треба јасно да ја покаже својата припадност и одговорност. Илинден не е место за промоција на туѓи интереси, ниту за мешање на црковните инсталации од туѓи цркви со политичко-државна амбивалентност.

Нека ова биде повик до сите – особено до црковните претставници – да покажат чувство за моментот, за просторот и за народот кој го претставуваат. Не бараме ништо повеќе од искрен однос кон Македонија и македонскиот народ.“ – изјавува Богојески.

Македонија

Божиновска присуствуваше на шведската прослава на светлината

Вечерва Сања Божиновска присуствуваше на традиционалниот концерт во чест на Санта Луција, кој го организираше Шведската амбасада. Празникот е симбол на светлина, топлина и надеж во најтемните нордиски ноќи.

„Секогаш е убаво кога една традиција носи порака која допира подалеку од границите – дека светлината ја создаваме самите, и дека најмногу ни е потребна токму во студените, тивки моменти од годината“, изјави Божиновска.

Таа изрази благодарност до амбасадата за прекрасната атмосфера и можноста да ја почувствува оваа уникатна шведска традиција, која најавува доаѓањето на Божиќ со радост, музика и светлина.

Македонија

Сообраќајот на Евзони повторно во прекин од 17 часот

АМСМ информира дека од 17 часот повторно е блокиран сообраќајот на Граничниот премин Евзони (ГП Богородица).

Според последните информации, сообраќајот на државните патишта се одвива непречено, по суви коловози и со умерен интензитет надвор од градските средини. На македонските гранични премини нема подолги задржувања за влез или излез од државата.

АМСМ апелира до возачите да возат со прилагодена брзина, да ја почитуваат поставената сигнализација и да бидат особено внимателни на патиштата низ котлинските и клисурните делови, каде што постои ризик од одрони. Најкритични се делниците Катланово – Велес, Маврово – Дебар – Струга, Виница – Берово и Кочани – Делчево.

Македонија

Студентите имаат уште десет дена за апликација за ваучери

Министерството за дигитална трансформација потсетува дека студентите имаат рок до 20 декември 2025 година да аплицираат за ваучери за електронски уреди.

Досега се доделени 42.606 ваучери, од кои 27.426 веќе се искористени. Во рамките на владината програма, предвидени се вкупно 55.000 ваучери за студенти на додипломски студии запишани во учебната 2025/26 година.

Ваучерите можат да се искористат најдоцна до 31 декември 2025 година.