Црна Хроника

Лихвар и нотар пријавени за злоупотреби додека оштетениот бил во странство

Секторот за внатрешни работи Тетово поднесе кривични пријави против тројца осомничени – Т.В. (39) од село Неготино – гостиварско, Ј.Д. (48) од село Добри Дол и против нотарска канцеларија од Гостивар, поради серија тешки злоупотреби поврзани со лихварство, уцена, фалсификат и неовластено користење на лични податоци.

Според полицијата, Т.В. од 2022 година го искористувал лошата финансиска состојба на оштетен граѓанин, кому му позајмувал пари со екстремно високи камати. За заем од 35.000 евра, побарал 15.000 евра камата за една година, а подоцна и дополнителни 3.000 евра месечно. Откако оштетениот не можел да ги исплаќа барањата, Т.В. почнал да го уценува и да му се заканува, принудувајќи го да потпише договор за купопродажба на имот, кој потоа бил заверен кај нотар.

Особено алармантен е случајот од 27 септември 2023 година, кога додека оштетениот бил надвор од државата, Т.В. составил фалсификуван договор за продажба на моторно возило, користејќи ги неговите лични податоци без негова согласност. Договорот бил заверен кај второпријавениот Ј.Д., кој во својство на нотар го одобрил документот во кој стоело дека возилото е продадено за само 1.000 евра на друго лице од Гостивар.

Од СВР Тетово нагласуваат дека станува збор за сериозен криминален случај кој вклучува повеќе кривични дела: лихварство, фалсификување исправа и злоупотреба на лични податоци. Истрагата е во тек, а против сите инволвирани лица ќе следуваат соодветни поднесоци до надлежното обвинителство.

Црна Хроника

Трагедија во Македонија – Малолетник загина во сообраќајна несреќа

Седумнаесетгодишно момче од неготинското село Тимјаник го загуби животот во сообраќајна несреќа што се случила ноќеска, информираат од Министерството за внатрешни работи. објави

Според пријавата во ОВР Неготино, несреќата се случила на 20 декември 2025 година, околу 00:50 часот. Малолетникот управувал мопед „лонгија“ со неготински регистарски ознаки, кога од засега неутврдени причини изгубил контрола и удрил во бетонски столб.

Од здобиените повреди, возачот починал на самото место, а смртта ја констатирал лекар од Итната медицинска помош во Неготино.

Увид на местото на настанот извршиле јавен обвинител и увидна екипа од ОВР Неготино. По наредба на јавниот обвинител, телото на починатиот малолетник е предадено на обдукција.

Црна Хроника

Нападнал полицаец по сообраќајна контрола – МВР со детали

Полицијата уапси возач во Велес, управувал возило под дејство на алкохол, а потоа нападнал полициски службеник.

– На 20.12.2025 во 02:10 часот, на улица „Благој Ѓорев“ во Велес, полициски службеници од СВР Велес го лишија од слобода М.Н.(49) од Велес. При сообраќајна контрола било сопрено патничко возило „рено“ со скопски регистарски ознаки, што го управувал М.Н. и по преземени мерки било констатирано дека е под дејство на алкохол, односно му биле измерени 1,62 промили алкохол во крвта. Тој бил приведен во полициска станица, каде физички нападнал полициски службеник, информираа од полицијата.

Известен е јавен обвинител и по документирање на настаните, против него ќе бидат поднесени пријави по член 297-а и 383 од Кривичниот законик за „безобѕирно управување со моторно возило“ и „напад врз службено лице при вршење работи на безбедноста“.

Црна Хроника

Хорор во Тетово – Возач удрил во полициски службеник и избегал

На 19.12.2025 година во 12:50 часот полициски службеници од СВР Тетово го лишиле од слобода Е.А.(28) од с.Порој, затоа што кај кружниот тек од ул.,,Илинденска” со ул.,,Маршал Тито” во Тетово со патничко моторно возило ,,ауди” со тетовски регистерски таблици, не застанал на даден знак и со возилото удрил во полициски службеник, по што и избегал од местото на настанот. По преземени мерки, тој е пронајдени лишен од слобода, а на полицискиот службеник му се констатирани телесни повреди во Клиничка болница Тетово. По документирање на случајот против Е.А. ќе бидат поднесени соодветни пријави.