Пет американски војници се застрелани денеска во воената база Форт Стјуарт во Џорџија, што предизвика итно затворање на објектот и зголемени безбедносни мерки.
Според досегашните информации, четворица од повредените се префрлени во болница, а еден останал на лице место. Армијата потврди дека е идентификуван осомничен за нападот, но неговото име сè уште не е објавено.
Командантот на базата, полковник Вилијам „Гејб“ Вивер, наредил целосна блокада на Форт Стјуарт и блиската воздухопловна база Рајт и Еванс. На војниците и персоналот им било наредено да се заклучат во објектите и да ги држат телефонските линии отворени.
Инцидентот се случил околу 11:04 часот по локално време во зоната на борбениот тим на Втората оклопна бригада. Според потполковник Ангел Томко, ситуацијата сè уште се проценува, но напаѓачот е присутен на локацијата и се работи на негово неутрализирање.
Полицијата е распоредена на терен, а сите влезови во базата се затворени. Како мерка на претпазливост, затворени се и неколку училишта во близина – „Батон Гвинет“, „Џозеф Мартин“ и средното училиште „Снелсон Голден“.
Гувернерот на Џорџија, Брајан Кемп, на социјалната мрежа X изрази сочувство до семејствата на погодените, додека конгресменот Бади Картер соопшти дека внимателно ја следи ситуацијата.
Истражните органи и воените структури продолжуваат со истрагата за околностите на нападот.
