Република

Бојкоски: Битола е заложник на политичка неодговорност, граѓаните ја плаќаат цената

Бојан Бојкоски, координаторот на советничката група на ВМРО-ДПМНЕ во Општина Битола, остро реагираше на, како што вели, политичката блокада на капитални инфраструктурни проекти од страна на советниците на СДСМ, Левица и Поинаку.

Во јавна изјава, Бојкоски посочи дека додека низа општини низ земјата – меѓу кои Гази Баба, Босилово, Чаир, Желино, Врапчиште и Валандово – веќе ги користат средствата од Европската инвестициска банка за модернизација на водоводната мрежа и подобрување на условите за живот, Битола останува „заложник на политички калкулации“.

„Советничките групи со месеци одбиваат да дадат согласност за користење на овие средства. Ова не е удар по градоначалникот, ова е директен удар врз Битола и битолчани“, изјави Бојкоски.

Тој апелира дека граѓаните секојдневно ја чувствуваат штетата од нефункционалноста на Советот, додека, според него, одредени советници „си играат политика“ на штета на јавниот интерес.

„Битола гледа и памети. Време е за одговорност. Време е одлуките во Советот да се носат во интерес на граѓаните. Битола заслужува повеќе. Битолчани заслужуваат подобро“, порача Бојкоски.

Република

ВИДЕО: Битола секоја година се поубаво украсена

Битола повторно ја облече новогодишната светлина и ја отвори вратата за празничната магија што ја прави препознатлива. Улиците, плоштадите и сцените каде што и оваа година ќе се одвива „Зимската приказна“ засветкаа во празничен сјај, носејќи радост и топла атмосфера за граѓаните и посетителите.

Новогодишното украсување донесе свежа енергија и чувство на празнична возбуда низ целиот град, создавајќи амбиент кој секоја година изгледа сè поубаво и повпечатливо. Битола и овој декември е подготвена да ги пречека гостите со светлина, музика и празничен дух.

Со видео ви пренесуваме дел од атмосферата од градот под Пелистер, кој е подготвен за уште едно ново издание на предновогодишната програма „Зимска приказна“, на радост на сите генерации.

Република

„Шпанец“ се враќа на пругите: Модернизиран и подготвен за патници

Легендарниот воз „Шпанец“, некогаш заборавен и речиси отпишан, се враќа на пругите со целосно нов лик. Денес беше тестирана обновената верзија на возот, кој сега располага со модерен дизајн, телевизори, озвучување, алармни системи и видео надзор.

Одговорните најавуваат дека подготовките за поудобно и побезбедно патување се во полн ек, со цел патниците да уживаат во современо и безбедно патување.

Следуваат уште новости за враќањето на овој легендарен воз – останете со нас за сите детали.

Видеото може да го погледнете тука

Република

После многу години конечно Тетово ќе се украсува

На онлајн седница одржана денеска, 12 декември 2025 година, Советот на Општина Тетово со мнозинство гласови донесе одлука за украсување на градот за претстојните новогодишни празници.

„За оваа програма „за“ гласаше советничкото мнозинство составено од Коалицијата „Вреди“ и ВМРО-ДПМНЕ, додека против беа советниците од коалицијата НАИ. Воздржани беа од Подобро за Тетово, Левица и СДСМ. Со оваа одлука, Општина Тетово ја потврдува намерата градот да добие празничен сјај за крајот на 2025 година“, изјави претседателот на Советот, Јусуф Абдули.

Истовремено, изгласана е измена на Програмата за активности на Општина Тетово во областа на културата за 2025 година. Според новата програма, за празничното украсување се предвидени еден милион и петстотини илјади денари, што е над 24 илјади евра.