Инфлацијата во јули годинава изнесува 1,1% соопшти Државниот завод за статистика (ДЗС). Растот на производите за здравје, храната и безалкохолните пијалоци изнесува 0.3%. Додека најмногу за растот на трошоците на живот во претходниот месец придонесоа транспортот за 9.9%, рекреација и култура за 2.1%, рестораните и хотелите за 1.2%, мебел и одржување на домаќинствата за 0.7%
Во јули 2025 во однос на претходниот месец, јуни 2025, намалување на трошоците за живот е забележано кај разновидните стоки и услуги и алкохолните пијалоци, тутун и наркотици за 0.1%.
Во однос на истиот месец од минатата година, сега во јули индексот на трошоците на живот бележи раст од 4.8%, а индексот за цените на мало зголемување од 5.3%.
Од Владата пред неколку дена најавија дека ако имаме зголемување на цените кај храната ќе донесат мерки за стабилизирање на ценовниот раст на производите во маркетите.
Последните податоци потврдуваат дека инфлацијата „се префрли“ од трпезата кон резервоарот, хотелските фактури и забавата.
