Иран во саботата упати закани за блокирање на коридорот договорен помеѓу Ерменија и Азербејџан, посредуван од американскиот претседател Доналд Трамп, јавија иранските медиуми.
Предлогот за „Трамповиот коридор за меѓународен мир и просперитет“ (TRIPP) предвидува пат низ јужна Ерменија што би овозможил директен пристап на Азербејџан до неговата енклава Нахчиван и до Турција. Според договорот, САД би имале ексклузивни права за развој на коридорот, а Белата куќа тврди дека проектот ќе ја поттикне извозната активност на енергија и други ресурси.
Иако не е јасно како Иран, кој граничничи со тој регион, би можел да го блокира проектот, изјавата на Али Акбар Велајати, главен советник на иранскиот врховен лидер, предизвика загриженост за безбедноста во регионот.
„Овој коридор нема да стане Трампов премин, туку гробиште за неговите платеници“, порача Велајати, истакнувајќи дека воените вежби во северозападен Иран ја покажале решеноста на Исламската Република да спречи какви било геополитички промени.
Иранското министерство за надворешни работи претходно го поздрави договорот како „важен чекор кон траен мир во регионот“, но предупреди против било какво странско мешање близу своите граници што би можело да го загрози мирот и стабилноста.
Трамп во петокот беше домаќин на азербејџанскиот претседател Илхам Алиев и ерменскиот премиер Никола Пашињан и присуствуваше на потпишувањето на заедничката декларација за крај на долгогодишниот конфликт.
Русија, традиционален посредник и сојузник на Ерменија, не беше вклучена во овие разговори, иако ја поддржа самитот, предлагајќи решенијата да ги развиваат земјите од регионот со поддршка од Русија, Иран и Турција.
Турција, членка на НАТО и близок сојузник на Азербејџан, ја поздрави постигнатата спогодба.
