Првиот вицепремиер и министер за животна средина и просторно планирање, Изет Меџити, изјави дека за општина Чаир не се прифатливи никакви половични решенија. Тој потенцира дека за подобрување на општината се ангажираат врвни експерти од областа на урбанизмот.
„Една од најголемите умови во областа веќе е на терен, со карта на Чаир во раце. Најдоброто допрва доаѓа. Времето на промените започна и ништо нема да може да го запре тоа“, изјави Меџити.
Овој процес е дел од поширока стратегија за одржлив урбан развој и подобрување на квалитетот на живеење во општина Чаир.
