Постапка против 57-годишник од Трубарево поради загрозување на безбедноста во сообраќајот
Основното јавно обвинителство Скопје поведе кривична постапка против 57-годишен жител на селото Трубарево за загрозување на безбедноста во сообраќајот.
На 8 август, осомничениот управувал „Мерцедес“ по локалниот пат помеѓу селата Петровец и Долно Коњари, со истечена сообраќајна дозвола и под дејство на алкохол. Тој не ја прилагодил брзината според условите на патот, при што изгубил контрола и преша на коловозната лента на спротивната насока, удријајќи во „Шкода“.
Во несреќата со полесни повреди се здобиле возачот и четири лица од „Шкодата“, меѓу кои две бебиња од осум месеци. По укажаната медицинска помош, сите биле пуштени на домашно лекување.
Јавниот обвинител предложи мерки на претпазливост за осомничениот: забрана за напуштање на живеалиштето, обврска за повремено јавување во судот и привремено одземање на возачката дозвола од категоријата Б, вклучувајќи и забрана за нејзино издавање.
