Зеленски: Украина ја поддржува заедничката изјава за мир со почитување на границите
Украинскиот претседател Володимир Зеленски денеска истакна дека Киев ја цени и целосно ја поддржува заедничката изјава на европските лидери за постигнување мир во Украина, при што се нагласува потребата од заштита на интересите на Украина и Европа.
„Крајот на војната мора да биде праведен и им сум благодарен на сите кои денес стојат зад Украина и нашиот народ, во име на мирот кој ги брани виталните безбедносни интереси на европските народи“, напиша Зеленски на платформата „Икс“.
Тој ја поддржа изјавата на францускиот претседател Емануел Макрон, италијанската премиерка Џорџа Мелони, германскиот канцелар Фридрих Меркел, полскиот и британскиот премиер Доналд Туск и Кир Стармер, претседателката на Европската комисија Урсула фон дер Лајен и претседателот на Финска Александар Стуб.
Европските лидери во заедничкото соопштение нагласија дека се посветени на принципот дека меѓународно признатите граници не смеат да се менуваат со сила, а сегашната линија на разграничување треба да биде основа за преговорите.
Тие истакнаа дека „патот кон мирот“ во Украина не може да се одреди без учество на Киев, и дека преговорите треба да се водат исклучиво во услови на прекин на огнот или намалување на непријателствата.
