Топлотен бран од Африка ја зафаќа Македонија
Оваа седмица земјата ќе остане под влијание на топла воздушна маса од Африка, носејќи сончево и исклучително топло време со слаба до умерена локална облачност. Ќе дува слаб до умерен ветер од источен и североисточен правец, повремено со засилен интензитет.
Дневните температури насекаде ќе надминуваат 30°C, а во Повардарието ќе достигнат и до околу 40°C. Во Скопје исто така се очекуваат температури блиску до 40°C. Од петок (15 август) и за време на викендот се предвидува мало освежување, со пад од 3–4°C во однос на сегашните вредности.
Надлежните препорачуваат граѓаните да избегнуваат престој на отворено во најтоплиот дел од денот (11–17 часот) и да внесуваат повеќе течности за заштита од високите температури.
