Уапсени двајца малолетници и две жени за вооружената престрелка во Тетово

Во селото Гајре, тетовско, вчера во периодот од 12:50 до 15:00 часот, полицијата спроведе претрес на повеќе локации во врска со вооружената престрелка што се случи на 10 август 2025 година во Тетово.

Според информациите од СВР Тетово, при акцијата биле пронајдени предмети од интерес за истрагата, а биле лишени од слобода две жени – А.М. (41) и Е.М. (19), како и двајца малолетници на возраст од 15 и 17 години, сите од селото Гајре.

Полицијата презема дополнителни мерки и активности за целосно расчистување на случајот и идентификување на другите лица инволвирани во престрелката.