Градоначалникот на Општина Кисела Вода, Орце Ѓорѓиевски, оствари средба со генералниот секретар на Црвениот крст на Македонија, д-р Саит Саити, на која се разговараше за унапредување на соработката со градот Скопје, со фокус на грижата и поддршката за бездомните лица.
Ѓорѓиевски истакна дека хуманоста е мерка за зрелоста на едно општество и изрази уверување дека преку конкретни активности можат да се обезбедат подобри услови за најранливите категории граѓани. „Секој од нас има обврска да подаде рака на оној што има најмалку, бидејќи вистинската сила на заедницата се гледа во моментите кога се грижиме за најранливите,“ рече тој.
Тој додаде дека Скопје треба да биде заеднички дом со место, грижа и љубов за сите, каде солидарноста ќе биде најголемата вредност, а хуманоста – заеднички јазик.
