Американскиот министер за финансии Скот Бесент изјави за телевизијата Fox News дека САД ќе користат средства од своите сојузници, вклучувајќи го Јапонија, Јужна Кореја и одредени европски земји, според дискрециона одлука на претседателот Трамп.
„Имаме договори со овие земји да инвестираат во компании и индустрии според нашите упатства, односно главно според одлуките на претседателот Трамп“, рече Бесент. Тој додаде дека големите трговски суфицити, како јапонскиот вишок од околу 550 милијарди долари, ќе се вратат во американската економија и ќе се насочат кон клучните американски индустрии.
Францускиот претприемач Арно Бертар оцени дека оваа изјава претставува отворена „офшор апропријација“ – со други зборови, кражба, истакнувајќи дека САД сега го третираат богатството на своите сојузници како сопствен државен инвестиционен фонд. Бертар нагласува дека сојузниците, зависни од американската воена заштита, практично немаат можност да се спротивстават на овој модел на експлоатација, споредувајќи го со колонијалната практика од 19-тиот век.
