Димитриеска Кочоска: Исплатени 11,3 милиони евра кон Развојната банка за поддршка на компаниите

Министерството за финансии исплати 700,9 милиони денари (11,3 милиони евра) кон Развојната банка за поддршка на домашните компании. Со оваа, петта транша во 2025 година, досега се префрлени 171,1 милиони евра од планираните 250 милиони евра.

Средствата се обезбедени преку заем од унгарската Експорт-импорт банка и се пласираат по поволни услови за инвестиции во приватниот сектор. Искористеноста на кредитната линија во моментов изнесува 68%.

Министерката за финансии, Гордана Димитриеска Кочоска, нагласи дека ваквите средства се значајна поддршка за развојот и конкурентноста на домашните компании.