До 12 часот денеска, низ земјава се регистрирани седум пожари на отворен простор.
Активни се три пожари: во Повеќенаменското подрачје „Јасен“ (Општина Македонски Брод), на Октишка краста (Општина Струга) и во атарот на селото Могила (Општина Могила).
Еден пожар е ставен под контрола – во реонот меѓу селата Радуша и Дворце (Општина Сарај).
Изгаснати се три пожари: кај селото Челопеци (Општина Кичево), кај селото Крапа (Општина Македонски Брод) и во атарот на селото Нерав, место викано „Биљино“ (Општина Крива Паланка).
