Скопје

Топлотниот бран го зафати Балканот – Скопје до 37 °C

Скопје останува под силно влијание на топлотен бран до среда, 20 август, со максимални температури што ќе достигнат 36–37 °C во сабота, а малку пониски вредности во недела. Утрините носат температури од 15 до 19 °C, што обезбедува само краткотрајно олеснување.

Високите температури претставуваат сериозна закана за здравјето, особено за стари лица, деца и хронично болни. Се препорачува ограничување на физички активности на отворено во периодот од 13 до 17 часот, пиење доволно течности и престој во климатизирани простории.

Истовремено, делови од Европа и Северна Африка се соочуваат со екстремен топлотен бран, познат како „Heat Dome“, кој во Франција, Италија, Шпанија и региони на Балканот носи температури до 40 °C. Паралелно, пожарите уништија над 400.000 хектари земјиште низ Европа во 2025 година — 87 % повеќе од просекот во последните 20 години.

Најпогодени се Грција, Шпанија, Франција и Албанија, каде што има евакуации, жртви и значителни материјални штети. Во овие области се препорачува избегнување на шумски и планински региони, следење на упатствата за евакуација и носење заштита при изложеност на чад.

Климатските експерти предупредуваат дека ваквите екстремни сценарија ќе станат почести и поинтензивни, барајќи итни мерки за адаптација и заштита.

Скопје

Николоски: Карпош добива нов урбан лик со реконструкција на над 15 улици

Преку петнаесетина улици ќе се реконструираат во општина Карпош со подршка на Владата. Општината полека ќе го смени урбаниот лик и ќе се развива, истакна вицепремиерот и министер за транспорт Александар Николоски при денешната посета на општина Карпош.

Николоски заедно со градоначалникот Сотир Лукровски извршија увид во реконструкција на ул. Јуриј Гагарин, проект кој се реализира со подршка на Министерството за транспорт, а во заедничка соработка со општината.

“ Ова беше заглавен проект, ова беше проект без разлика што имавме обезбедено средства, не можевме да го реализираме. Откако беше избран за градоначалник, заедно со службите во општината, успееја да ги решат сите предизвици на овој проект, да се решат проблемите и еве веќе се гради и ако се оди добро и не послужи времето до Нова година може да се заврши оваа улица, паркингот зад зградите и да се добие нов урбан лик на овој простор. Сакам да најавам дека дополнително на ова имаме уште еден проект кој се реализира со Светска банка во вредност од над 13 милиони денари, тоа е улицата Петар Чаулев, целосна реконструкција околу 600 метри што дополнително се надевам ќе допринесе за урбаниот развој на општината. На тоа додаваме уште дванаесетина проекти кои што ги резлизираме преку вториот повик на Владата и севкупно имаме значајни проекти за општина Карпош. Тука е и подршката на Владата, мојата лична подршка за дополнителни работи кои треба да ги направиме во Карпош. Со изборот на новиот градоначалник, со неговата напорна работа се гледаат промените и навистина сите имаме желба да помогнеме и да се случуваат убави работи во општина Карпош”-изјави вицепремиерот Николоски.

Скопје

Прекин на електрична енергија денеска во Горно Нерези, Глуво и Мирковци

Регионалниот центар за управување со кризи (РЦУК) информира, повикувајќи се на известување од ЕВН Македонија, дека денес од 9:00 до 15:00 часот ќе има прекин во снабдувањето со електрична енергија за корисниците од неколку населени места.

Прекинот ги опфаќа корисниците од селото Горно Нерези и корисниците од селата Глуво и Мирковци.

Станува збор за планиран прекин, а корисниците се повикуваат на трпение до завршувањето на работите.

Скопје

Жителите на одредени делови од Аеродром денес без вода

Јавното претпријатие „Водовод и канализација“ – Скопје информираше за привремен прекин во водоснабдувањето за дел од корисниците лоцирани на булеварот „АСНОМ“, во населбата Аеродром.

Прекинот, кој започна вечерва во 18:45 часот, е предизвикан од уличен водоводен дефект на цевка со дијаметар Ф100 мм, конкретно кај број 74 на булеварот.

Погодени корисници ќе бидат корисниците лоцирани на булевар „АСНОМ“ од број 70 до број 116.

Екипите на ЈП „Водовод и канализација“ се на терен и работат на отстранување на дефектот. Водоснабдувањето ќе биде нормализирано веднаш по завршувањето на работните активности, за што јавноста ќе биде дополнително известена.