Американскиот претседател Доналд Трамп и рускиот претседател Владимир Путин вечерва се среќаваат во Алјаска, во 21:30 часот по македонско време, соопшти Белата куќа. Двајцата лидери слетаа речиси истовремено, а Трамп го пречека Путин со аплауз, пренесе „Њујорк тајмс“.
Портпаролката на Трамп, Каролин Ливит, објави дека дојде до промена во планот на разговорите – наместо тет-а-тет средба, на разговорите ќе учествуваат и државниот секретар Марко Рубио и специјалниот пратеник Стив Виткоф.
Руската делегација ја сочинуваат претседателот Владимир Путин, министерот за надворешни работи Сергеј Лавров, министерот за одбрана Андреј Белошов, министерот за финансии Антон Силуанов, директорот на Фондот за директни инвестиции Кирил Дмитриев и помошникот на претседателот Јури Ушаков.
Американската делегација ја сочинуваат претседателот Доналд Трамп, државниот секретар Марко Рубио, секретарот за трговија Хауард Лутник, секретарот за финансии Скот Бесант и директорот на ЦИА Џон Ратклиф.
Портпаролот на Кремљ, Дмитриј Песков, најави дека разговорите би можеле да траат од шест до седум часа.
Видеото може да го гледате тука
