Членот на ЦК на ВМРО-ДПМНЕ, Валентин Манасиевски, денеска обвини дека СДСМ преку програмата Еразмус+ плаќал на идеологот Љубомир Фрчкоски. Според него, Лидија Димова и Зоран Заев доделиле 200 илјади евра за проект на кој конкурирал Фрчкоски.
„Еразмус + на Лидија Димова и Зоран Заев дале 200 илјади евра на проект на кој конкурирал Фрчкоски. Каде е сега тој? Фрчкоски со години е најгласен протеже на СДСМ, тој ги изнесува на површина работите кои СДСМ ги мисли, а не сака јавно да ги каже.
Секогаш кога треба некој да се навреди, да се нападне или да се шиканира, тука е Фрчкоски. Ова е начинот на кој СДСМ ја користел Еразмус +. Плаќани биле судии, професори, и квази експерти. Во СДСМ владее страв и паника, бидејќи излегуваат на виделина сите работи кои ги правеле СДС, Заев и Димова“, изјави Манасиевски.
Тој праша и дали Фрчкоски и понатаму „одработува за овие пари“, повикувајќи на јавна расправа за финансиската поддршка преку проектите на Еразмус+.
