Украинскиот претседател Володимир Зеленски соопшти дека во понеделник ќе отпатува за Вашингтон, каде ќе оствари средба со американскиот претседател Доналд Трамп.
Зеленски откри дека претходно разговарал со Трамп повеќе од еден и пол час по телефон, непосредно откако американскиот претседател синоќа се сретна со рускиот лидер Владимир Путин на Алјаска.
„Во понеделник ќе ги разгледаме сите детали поврзани со запирањето на убивањата и ставањето крај на војната“, изјави Зеленски, изразувајќи благодарност за поканата.
