Црна Хроника

Лишени од слобода двајца возачи поради безобѕирно управување со возила во Тетово

Двајца возачи од велешко и тетовско се лишени од слобода откако биле затекнати како управуваат возила со брзина значително над дозволената.

На 17 август 2025 година, околу 15:15 часот на автопатот Скопје–Тетово, кај наплатната станица во село Желино, полициски службеници од Полициската станица за безбедност на патниот сообраќај Тетово го лишиле од слобода Б.А. (28) од село Горно Оризари, велешко. Тој управувал „Фолксваген“ со скопски регистарски ознаки со брзина од 178 километри на час, иако максимално дозволената брзина на тој дел од патот е 100 километри на час.

Околу 15:45 часот, на булевар „Маршал Тито“ во Тетово, полицијата го привела и Б.М. (20) од село Камењане, тетовско. Тој управувал „БМВ“ со тетовски регистарски таблички со брзина од 102 километри на час, на место каде што дозволената брзина е 50 километри на час.

Двајцата возачи биле спроведени во полициска станица, а по целосно документирање на случаите, против нив ќе биде поднесена кривична пријава по член 297-а од Кривичниот законик за „безобѕирно управување со моторно возило“.

Црна Хроника

Тетово: Физички напад во угостителски објект, едно лице повредено со тврд предмет

СВР Тетово поднесе кривична пријава против Р.У.(18) од с.Желино и 16-годишник од с.Групчин поради постоење основи на сомнение за сторено кривично дело „насилство“.

На 22.10.2025, во еден угостителски објект во Тетово, пријавените физички ги нападнале А.Р.(19) од тетовско и 15-годишник од тетовско. При нападот, првопријавениот употребил и тврд предмет, при што е причинета повреда.

Случајот е пријавен и се преземаат мерки за целосно расчистување на инцидентот.

Црна Хроника

Измама со „волшебна амајлија“: Жената оштетена за 60.000 денари

Жена од Делчево била измамена со ветување дека „амајлија“ ќе ги реши сите нејзини семејни проблеми, при што издала 60.000 денари. Полицијата поднесе кривична пријава против 61-годишниот С.Ѓ. од скопското село Сарај поради измама.

Измамникот ја убедил жртвата во моќта на своите услуги во два наврати – во септември 2024 и повторно во март 2025 година, земајќи ѝ по 30.000 денари секојпат. Откако сфатила дека е измамена, жената го пријавила случајот во полиција.

Од МВР соопштуваат дека С.Ѓ. се сомничи за кривичното дело „измама“ и дека против него е поднесена соодветна кривична пријава.

Црна Хроника

Инцидент во Скопје – две возила попречиле пат, следел напад

Вчера во 10:40 часот во СВР Скопје, С.М.(47) од Скопје пријави дека додека се движел со патничко возило од с.Јурумлери, скопско кон населбата Драчево, две возила му го попречиле патот, а од нив излегле М.С. и уште неколку други лица и физички го нападнале, а употребиле и тврди предмети, при што му го оштетиле и возилото.

Се преземаат мерки за расчистување на случајот.