Кандидатот за градоначалник на Град Скопје, Орце Ѓорѓиевски, најави дека еден од првите проекти по победата на локалните избори ќе биде решавањето на деценискиот проблем со булеварот „Цветан Димов“.
Заедно со кандидатот за градоначалник на Општина Чаир, Изет Меџити, заменик-министерот Ѓоко Велковски и пратеникот Беким Сали, денеска беше извршен увид на терен каде што беше претставен проектот.
„Секојдневно повеќе од 100.000 граѓани ја користат оваа делница која ги поврзува Чаир, Бутел, Шуто Оризари и Центар. За жал, досегашните ветувања од поранешните градоначалници останаа само празни зборови. Ние ќе го решиме овој проблем веднаш по победата во октомври“, изјави Ѓорѓиевски.
Тој додаде дека Скопје заслужува безбеден и функционален булевар и дека целта е преку сериозна работа да се надмине сообраќајниот хаос, да се исчистат депониите и да се вратат во функција јавните претпријатија.
„Скопјани веќе нема да чекаат. Време е за промени кои ќе се почувствуваат на терен и време е за ново, посигурно и поубаво Скопје“, порача Ѓорѓиевски.
