Божиновска: „Со силни партнери како ОН градиме пофер енергетска иднина“

Министерката за енергетика, рударство и минерални суровини, Сања Божиновска, денеска оствари средба со Рита Колумбија, постојана координаторка на Обединетите нации во Македонија. Разговорите беа посветени на заедничките визии во областа на чистата енергија, енергетската ефикасност и поддршката за најранливите категории граѓани.

ОН ја потврдија својата поддршка за претстојниот форум што ќе се одржи во октомври во Скопје – 14-ИФЕСД, на кој ќе учествуваат врвни експерти и говорници на високо ниво. Божиновска истакна дека ова претставува гаранција дека настанот ќе има значајно регионално, но и пошироко влијание.

Во фокусот на средбата беа и теми за зелени финансиски инструменти, одржливи обврзници и развој на енергетски заедници – области кои, според министерката, се клучни за создавање поинклузивна и правична енергетска иднина.

„Македонија знае да постави високи стандарди. Со силни партнери како ОН – сигурна сум дека ќе го направиме тоа,“ изјави Божиновска.