Црна Хроника

Штета од 500.000 денари во „Национални шуми“ вработен заработи кривична пријава

Полицијата поднесе кривична пријава против 58-годишниот С.П. од Охрид, со престој во општина Вевчани, вработен во ЈП „Национални шуми“ – Подрачно шумско стопанство „Јабланица“ во Струга. Тој се сомничи за злоупотреба на службена положба и овластување, со што го оштетил претпријатието за повеќе од 500.000 денари.

Според МВР, пријавениот како референт за превоз издавал испратници спротивно на законските прописи и без претходно издадени одобренија за сеча. Со тоа им овозможил на физички лица да се стекнат со имотна корист, а на претпријатието му нанесол штета во износ од 506.850 денари, како и на Буџетот на државата во делот на ДДВ и проширена репродукција на шумите.

Црна Хроника

Полициска акција во Штип: Лишени од слобода неколку полицајци

Вечерва во Штип се спроведува полициска акција. Според досегашните информации, во акцијата се лишени од слобода неколку полициски службеници.

Од Основното јавно обвинителство за гонење на организиран криминал и корупција потврдија дека акцијата е во тек. Повеќе детали се очекуваат по завршувањето на истрагата.

Извор: 24info.mk

Црна Хроника

Пет лица нападнале 19-годишна девојка во Тетовско

Пет лица од тетовското село Желино се осомничени дека физички нападнале 19-годишна девојка од истото село, соопшти СВР Тетово. Против нив е поднесена кривична пријава за кривичното дело „насилство“.

Станува збор за П.А. (28), С.А. (30), Е.А. (23), Г.А. (44) и А.А. (19). Инцидентот се случил на 26 септември 2025 година, по претходна расправија која ескалирала во физички напад.

Од полицијата информираат дека случајот е целосно расчистен и документиран, а натамошните мерки ќе ги одлучи надлежното обвинителство. Засега нема официјални информации за тежината на повредите на младата девојка.

Црна Хроника

Тешка сообраќајна несреќа – Едно лице го загуби животот

На магистралниот пат Кочани- Виница, на место викано „Сланечки дол“, автомобил „пежо“ со винички регистарски ознаки, управувано од Б.Ќ.(48) од Виница, излетало од коловозот вчера доцна попладнето.

Б.Ќ. починал на местото на несреќата од здобиените повреди, а лекар од Итната медицинска помош констатирал смрт.

По насоки на јавен обвинител, телото на починатиот било предадено на обдукција. Извршен бил увид од увидна екипа од ОВР Кочани.