Авганистан: 76 жртви во тешка сообраќајна несреќа со автобус на репатрирани мигранти
Во западен Авганистан, на автопатот Херат–Ислам Кала, доцна синоќа се случила тешка сообраќајна несреќа во која животот го загубиле најмалку 76 лица, меѓу нив и деца.
Патнички автобус што превезувал репатрирани мигранти од Иран се судрил со камион и мотоцикл, по што избувнал пожар кој целосно го зафатил возилото.
Локалните талибански власти потврдија дека сите 76 патници починале на самото место, а тројца повредени биле пренесени во болница во Херат.
Според изјавата на Ахмадула Мутаки, привремен директор за информации и култура на провинцијата, автобусот тргнал од граничното подрачје Ислам Кала, по репатрирањето од Иран, и бил на пат кон главниот град Кабул.
