Според „Тајмс“, високи европски воени лидери разгледуваат можност САД да распоредат борбени авиони Ф-35 во Романија, каде НАТО гради најголема воздухопловна база во Европа. Лидерите се состанаа во Вашингтон за да разговараат за логистиката на американската поддршка, по средбата меѓу претседателите Доналд Трамп, Володимир Зеленски и европските лидери.
Трамп ја исклучи можноста за распоредување американски трупи во Украина, но е подготвен да обезбеди „воздушна“ поддршка како дел од безбедносните гаранции на САД. НАТО веќе спроведува мисии за воздушна полиција над Црното Море од базата „Михаил Когалничеану“ во Романија, која се смета за најверојатната локација за американските авиони.
Европските земји исто така бараат континуирана употреба на американски ГПС и извидувачки сателити во Украина, како и снабдување со ракети за воздушна одбрана „Патриот“ и „НАСАМС“ за одвраќање на руските напади. Покрај тоа, се планира дозвола за шпионски авиони да летаат над Црното Море.
Велика Британија понуди распоредување на борбени авиони „Тајфун“ во западна Украина и бригада од 3.000-5.000 војници за обука на украинската армија. Франција, Канада и Австралија би можеле да испратат војници во западна Украина, но Русија се спротивставува на какво било присуство на западни војници на територијата на Украина.
