Под влијание на топла воздушна маса од југ, односно од Африка, денес и утре (четврток и петок 21/22 август) времето во нашата Република Македонија ќе биде претежно сончево, многу топло, мачно и спарно со повремено засилен ветер од западен и од југозападен правец (повремено и локално со брзина од над 60 км/час). Температурите на воздухот насекаде ќе надминуваат 30 степени, а во Повардарието како и во југоисточните предели тие ќе надминат и 35 степени.
Во Скопје и околината исто така времето ќе биде претежно сончево, могу топло, мачно и спарно со повремено засилен ветер претежно од југозападен правец кој во делови од котлината повремено ќе достигнува брзина од над 60 км/час. Температурата во Скопскиот регион исто така ќе надминува 35 степени.
Сепак утре (петок 22 август) локално ќе има услови за развој на нестабилност проследена со краткотраен пороен дожд и грмежи.
Да напоменам дека поради изразеното јужно и југозападно воздушно струње од Сахара кон нашата Република Македонија ќе се врши транспорт на прашина и на песок, со што атмосферата ќе биде заматена.
