Магазин

Од здравје до стил: Galaxy Watch8 е твојата нова животна навика!

Најтенкиот Samsung Galaxy Watch досега, Galaxy Watch8 е тука за да направи промена. Сега, храбро преосмислен – од популарниот нов дизајн со заштитни перничиња до динамичниот систем на дршки за ремчиња, што го прави пријатен и удобен за носење а истовремено испорачувајќи моќни перформанси со помош на процесорот од 3 nm. Искуси проактивен тренинг за спиење, трчање и холистичко здравје, што ги обединува интелигенцијата и индивидуалноста. Извлечи го најдоброто со помош на Galaxy AI и целосно ново искуство со One UI.

Твое здравје, твој приоритет!

Galaxy Watch8 е опремен со револуционерниот BioActive сензор, кој има три иновативни технологии: оптички и електричен монитор за срце, како и Bioelectrical Impedance Analysis (BIA) за мерење на телесната композиција. Овие функции ти овозможуваат детално следење на телесната маса, мускулна маса, ниво на вода и телесни масти со едноставно допирање на прстот.

Здравствените сознанија што ги добиваш од Galaxy Watch8 се дополнети со уникатни индекси како Antioxidant Index, која ја мери твојата нутритивна состојба преку количината на каротеноиди во кожата, и AGEs (Advanced Glycation End-products) индексот, кој следи метаболичко здравје поврзано со исхраната и стареењето. Овие мерки ти помагаат да разбереш како твојот начин на живот влијае врз здравјето и како да направиш подобри избори што ќе те направат посилна.

За љубителите на добриот сон, Galaxy Watch8 нуди Bedtime Guidance, тој го анализира твојот ритам и те “води” до најсоодветно време за спиење и будење, за да се чувствуваш свежо и енергично секој ден. Исто така, може да открие знаци на умерена до сериозна апнеа во спиењето, со цел да се погрижиш за себе и твоето здравје.

Интелигентност што те поддржува

Искуството со Galaxy Watch8 го прави уште подобро новиот One UI 7.0 софтвер кој нуди поинтуитивен кориснички интерфејс, побрзи реакции и полесно прилагодување. Со вградената Galaxy AI, часовникот овозможува паметни препораки и автоматски прилагодувања според твоите навики и цели.

SmartThings трикот во ракавот ти овозможува да го контролираш твојот паметен дом од зглобот – вклучи ги светлата, управувај со термостатот или пушти ја омилената музика со само едно тапкање. Сите овие можности се тука да го направат твојот живот полесен и поорганизиран.

Дизајн кој е создаден за да те следи во секој момент

Galaxy Watch8 оди чекор понатаму со својот тенок и ергономски дизајн, кој сега е уште поприлагоден на обликот на твојата рака благодарение на Dynamic Lug системот. Изборот од различни големини, бои и ремени овозможува да најдеш совршен модел што одговара на твојот стил – од спортски до елегантен.

Елегантните контури на лицето на часовникот и тенкиот дизајн изгледаат софистицирано, а популарниот дизајн со заштитни перничиња додава впечатливост, создавајќи изглед што остава долготраен впечаток. Достапен во големина од 40 mm и 44 mm, во графитна и сребрена боја.

Дисплејот со висока светлина од 3.000 нити гарантира одлична видливост и под директна сончева светлина, додека батериското работење е доволно долго да те следи низ целиот активен ден.

Совршена синергија со Galaxy Z Flip7 и Galaxy Z Fold7

Кога зборуваме за поврзаност мислиме на Galaxy Watch8, кој совршено е скроен да работи рамо до рамо со Galaxy Z Flip7 и Galaxy Z Fold7. Со елегантна и брза поврзаност, можеш да ги управуваш повиците, пораките и апликациите директно од зглобот, без оглед каде се наоѓаш.

Движејќи се во чекор со твојата креативност, Galaxy AI и синхронизацијата помеѓу овие уреди овозможуваат продуктивност и неверојатна флексибилност. Флипни, отвори, контролирај, сè на едно место, совршено поврзано и подготвено за твојот модернен живот.

Со Galaxy Watch8 добиваш повеќе од часовник, добиваш свој личен асистент за здравје, фитнес и стил кој никогаш не се уморува и ти помага да бидеш најдобрата верзија од себе, секој ден. Поврзан со Galaxy Z Flip7 и Galaxy Z Fold7, ова е твојот најсилен сојузник во динамичната игра на модерниот живот.

Балкан

(ВИДЕО) Босански тинејџер го собори светскиот рекорд: Со глава скрши 111 бетонски блокови за 35 секунди

Неверојатен физички подвиг привлече внимание ширум светот откако 16-годишниот Керим Ахметспахиќ од Босна и Херцеговина официјално постави нов светски рекорд во скршување бетонски блокови со глава.

На настан во босанскиот град Високо, организиран пред комисија на Гинисовата книга на рекорди, Ахметспахиќ во рок од само 35 секунди успеа да скрши 111 блокови со својата глава, што претставува досега невиден рекорд во оваа дисциплина.

Младиот шампион, кој е и црн појас во таеквондо, ги постави блоковите во колони и со прецизни удари ги разбиваше еден по еден, демонстрирајќи неверојатна сила и контрола. Движењето настанот предизвика громогласен аплауз од присутните, кои со восхит го следеа секој негов потег.

Овој подвиг е признат од страна на официјални претставници на Гинисовите рекорди како нов најголем број бетонски блокови скршени со глава, што значително го надминува претходниот рекорд.

Постигнувањето на Ахметспахиќ не само што го запиша негoвото име во историјата на рекордите, туку и ја истакна важноста на дисциплината, тренингот и физичката подготвеност во екстремни услови.

ВИДЕОТО МОЖЕ ДА ГО ПОГЛЕДНЕТЕ ТУКА

Магазин

„Македонска држава“ ексклузивно ја објавува книгата со над 1.000 историски сведоштва за името Македонци

Книгата „Македонци – милениумски сведоштва за идентитетското име“ претставува обемно историско и документарно дело кое на едно место собира повеќе од 1.000 архивски документи и сведоштва во кои се споменува етнонимот „Македонци“ низ различни историски периоди.

Авторот Бранислав Светозаревиќ го обработува материјалот собран од архиви во 32 земји, прикажувајќи примери за тоа како населението од овие простори самостојно се идентификувало како Македонци, но и како странски автори, хроничари и официјални институции го бележеле македонското етничко име во различни историски и политички контексти.

Во делото се опфатени периоди од античкото време, преку средниот век и новиот период, до современата историја, со јасен акцент на континуитетот на употребата на името „Македонци“. Анализите укажуваат дека станува збор за етноним со длабоки историски корени, а не за современа или случајна појава.

Книгата нуди и аналитички осврт кој го поставува македонскиот идентитетско-етнички назив како значајна тема во историографијата и националната меморија. Како научно-популарна студија, делото е наменето и за стручната јавност и за поширок круг читатели, отворајќи простор за аргументирана дискусија за македонскиот идентитет во современ контекст.

Делото „Македонци – милениумски сведоштва за идентитетското име“ е достапно за ексклузивно читање во дигитална форма тука

Магазин

Близу Скопје пронајдена древна населба постара од цивилизациите на Инките и Маите

Археолозите направија значајно откритие на локација околу две часа од Скопје, каде е откриена невидена древна населба чија возраст, според првичните процени, го надминува времето на познатите цивилизации на Инките и Маите.

Наодите укажуваат дека оваа праисториска заедница постоела многу порано отколку што се мислеше за населбите во регионот, а староста на археолошките слоеви и структури неколкупати е поголема од она што досега е пронајдено на други континенти. Стручњаците потенцираат дека станува збор за откритие со огромно значење за разбирањето на раните човечки општества.

Во тек се детални истражни ископувања, а пронајдени се остатоци од куќи, орудија, керамички предмети и други археолошки траги што укажуваат на развиена заедница со сопствена материјална култура. Екипите работат на утврдување на прецизната возраст на населбата преку радиокарбонска анализа и други научни методи.

Археолозите потенцираат дека пронајдените структури даваат нови сознанија за раното човечко живеење и можат да ја променат досегашната слика за миграциите, начинот на организирање и развојот на древните заедници.

Откритието предизвикува внимание и кај меѓународни експерти, кои најавија поддршка и вклучување во понатамошните истражувања. Според нив, овој локален наод може да има глобално значење за археологијата и историјата на човештвото.