Владата предводена од ВЛЕН ја започнува реализацијата на капитален инфраструктурен проект – изградба на современ подземен паркинг во близина на Плоштад „Скендербег“ во Скопје. Со овој зафат, вреден неколку милиони евра и финансиран од државниот буџет, ќе се обезбедат стотици паркинг-места и ќе се реши долгогодишниот проблем со недостиг на паркинг во Чаир и околината на Старата скопска чаршија.
Проектот предвидува ослободување на јавниот простор, воспоставување сообраќаен ред и подобрување на безбедноста во сообраќајот. Од ВЛЕН истакнуваат дека оваа инвестиција ќе има директна корист за граѓаните, локалните бизниси и туристичката понуда, со очекување дека економската активност во Чаршијата ќе се удвои.
„Вакви капитални инвестиции за време на БДИ беа незамисливи во Чаир, Тетово или Струга. Денес ВЛЕН покажува дека е вистински стратешки партнер на општините каде што живеат Албанци, насочувајќи ресурси кон нивните реални потреби,“ се наведува во соопштението.
Владата најави дека ќе продолжи со вложувања во инфраструктура, јавни услуги и урбани решенија што го подобруваат секојдневието на граѓаните. Според ВЛЕН, проектите се дел од визија за модернизација и рамномерен развој, како и доказ за новата политика – политика на дела, а не на празни зборови.
„Само преку партнерство меѓу централната власт и локалната самоуправа можеме да обезбедиме еднакви услови за сите и да ги издигнеме општините со мнозинско албанско население на нивото што со години беше запоставувано,“ порачуваат од ВЛЕН.
