Финансиското здравје на германскиот законски пениски систем (GRV) драстично се влошува. Според податоците на Bundesbank, во првата половина од 2025 година фондот бележи дефицит од 2,5 милијарди евра, кој се очекува да се зголеми до крајот на годината поради растечките трошоци за пензии кои ги надминуваат приходите.
Приходите од пензиското осигурување растат поради поврзување на инфлациските премии со платите, но трошоците продолжуваат брзо да се зголемуваат. Дополнителното оптоварување на фондот доаѓа од зголемените здравствени придонеси, кои ги делат пензионерите и системот. Во 2024 година дефицитот веќе изнесувал речиси милијарда евра.
Моменталната резерва на фондот изнесува 41,5 милијарди евра, доволна за исплата на пензии 1,4 месеци без нови придонеси, што е над минималниот законски праг од 0,2 месеци. Владата планира зголемување на минимумот на 0,3 месеци (околу 9,5 милијарди евра) за одржување на ликвидноста, но Bundesbank предупредува дека зголемување на стапките на придонеси може да биде потребно веќе во 2027 година.
Долгорочно, економистите предупредуваат дека само повисоки субвенции или придонеси нема да бидат доволни. Потребни се структурни реформи, вклучувајќи поврзување на старосната граница за пензија со очекуваниот животен век, ревизија на пензиите за лица со долг работен стаж и поттикнување на подолг работен век преку мерки како „активна пензија“, што овозможува дополнителен приход до 2.000 евра месечно без данок.
