Руските сили постигнаа огромен успех – сериозни проблеми за Украина и Зеленски

Русија тврди дека презела контрола над две нови населени места во Доњецк

Руските воени сили објавија дека напредуваат во источна Украина и дека презеле контрола врз две нови села во областа Доњецк, каде што борбите се интензивирани во последните денови.

Едното село е Миколаивка, сместено југоисточно од Краматорск, кој служи како административен центар на регионот откако градот Доњецк падна под руска контрола во 2014 година. Миколаивка се наоѓа во близина на Часив Јар и Костјантивка, два града под силен притисок од руската офанзива.

Второто село е Мирне, познато во советско време како Карл Маркс, сместено северозападно од Велика Новосилка, близу границата меѓу регионите Доњецк и Днипропетровск. Според руските извори, оваа територија е веќе под нивна контрола.

Украинските власти засега не го потврдиле ова, а независна проверка е отежната поради активните борби и ограничениот пристап на теренот.