Украинскиот претседател Володимир Зеленски, на церемонијата по повод Денот на националното знаме, изјави дека Украина нема да се откаже од ниту еден дел од својата територија.
Тој порача дека знамето претставува симбол на надеж за граѓаните кои живеат под привремена руска окупација и знак на спасение за заробените Украинци.
„Кога ќе ги видат нашите бои, знаат дека злото завршило. Ова знаме е цел и сон за многу луѓе кои чекаат слобода. Нема да ја предадеме нашата земја на окупаторот“, нагласи Зеленски.
