На светските пазари, американскиот долар трета недела по ред бележи пад во однос на главните светски валути, бидејќи растат очекувањата дека Федералните резерви ќе ги намалат клучните каматни стапки во септември, јави хрватскиот „Индекс“.
Индексот на доларот, кој ја мери вредноста на валутата во однос на шесте најважни валути, минатата недела падна за 0,10 проценти, на 97,73 поени. Еврото порасна за 0,15 проценти, достигнувајќи 1,1715 долари, додека доларот ослабе и во однос на јапонскиот јен, па неговата вредност падна на 146,95 јени.
Целиот период инвеститорите ја очекуваа говорот на претседателот на Федералните резерви, Џером Пауел, на состанокот на централните банкари во Џексон Хоул, со главното прашање дали ќе се сигнализира намалување на каматните стапки или ќе се задржи моменталната политика.
Најновите податоци покажуваат слабеење на американскиот пазар на трудот, што го зголемува шансите за намалување на каматите, но високата инфлација ограничува простор за потег од Федералните резерви. Пауел изјави дека ризиците во економијата се избалансирани и дека се приближува време за прилагодување на монетарната политика.
Пазарот тоа го протолкуваше како сигнал дека каматните стапки можат да се намалат за 0,25 процентни поени на состанокот на 17 септември, што доведе до речиси 1 процентен пад на доларот во петокот.
