Економијата на Гевгелија во голема мера се потпира на грчките државјани и транзитните туристи, додека домашното производство со македонска додадена вредност игра помала улога, изјави градоначалникот Андон Сарамандов на „Саем-отчетот“ на градоначалниците од ВМРО-ДПМНЕ.
„Грчките државјани се присутни во нашиот град целогодишно и се вистински партнери на локалната економија. Најголем дел од малите стопанственици зависат од приходите остварени од нив и од транзитните туристи“, истакна Сарамандов.
Тој најави и нови работни места како резултат на соработката со грчката амбасада и инвеститори, вклучувајќи отворање на трговски центар со околу 150 вработувања и нов ритeјл-парк што ќе создаде дополнителни 400 работни места.
„Овие проекти го заокружуваат моделот на „гранична економија“, каде потрошувачката од соседството е клучен двигател, но локалната власт ќе продолжи да работи на поголемо учество на домашните производствени компании. Целта е Гевгелија да има двоен пристап—и услужен, и производен“, додаде градоначалникот.
